ធនាគារ ជេ ត្រាស់ រ៉ូយ៉ាល់ បានចូលរួមគាំទ្រ និងឧបត្ថម្ភសភាពាណិជ្ជកម្មកម្ពុជា លើសិក្ខាសាលាស្តីអំពី «អត្ថប្រយោជន៍ នៃការប្រើប្រាស់ស្លាកសញ្ញាស្តង់ដារសម្រាប់ផលិតផល និងប្រព័ន្ធផលិតកម្ម»

ថ្ងៃទី១៩ ខែកុម្ភៈ ឆ្នាំ ២០២៥៖ ធនាគារ ជេ ត្រាស់ រ៉ូយ៉ាល់ មានកិត្តិយសដែលបានចូលរួមគាំទ្រ និងឧបត្ថម្ភសភាពាណិជ្ជកម្មកម្ពុជា លើសិក្ខាសាលាស្តីអំពី «អត្ថប្រយោជន៍ នៃការប្រើប្រាស់ស្លាកសញ្ញាស្តង់ដារសម្រាប់ផលិតផល និងប្រព័ន្ធផលិតកម្ម»ដែលប្រព្រឹត្តិនៅឯមជ្ឈមណ្ឌលអភិវឌ្ឍធុរកិច្ច។ សិក្ខាសាលានេះរៀបចំឡើងក្នុងគោលបំណងជួយទៅដល់សហគ្រាសធុនតូច និងមធ្យម (SMEs) ក្នុងការលើកកម្ពស់គុណភាពផលិតផល បង្កើនប្រសិទ្ធភាពប្រតិបត្តិការអាជីវកម្ម និងពង្រឹងការប្រកួតប្រជែងទីផ្សារក្នុងស្រុកនិងក្រៅស្រុក ឱ្យបានកាន់តែប្រសើរ។សិក្ខាសាលានេះមានការចូលរួមពីសមាជិក សមាជិកា ពាណិជ្ជករ អាជីវករ សិប្បករ និងសិស្ស-និស្សិត ប្រមាណ១២០នាក់។