កាលពីថ្ងៃទី 30 ខែវិច្ឆិកា ឆ្នាំ2024​ ធនាគារ ជេ ត្រាស់ រ៉ូយ៉ាល់ បានរៀបចំកម្មវិធីចែករំលែក "ចំណេះដឹងផ្នែកហិរញ្ញវត្ថុ“ ​ជូនដល់សិស្សានុសិស្សពីរក្រុមមកពី អង្គការអភិវឌ្ឍការអប់រំនៅកម្ពុជា (CEDO) ចំនួន 32​នាក់ និង អង្គការជីវិតនៅកម្ពុជា (This Life Cambodia) ចំនួន 46នាក់ នៅខេត្តសៀមរាប។ ជាចំណែកចូលរួមដ៏សំខាន់ កម្មវិធីចែករំលែកនេះប្រព្រឹត្តទៅបានដោយរលូន ក្រោមការចូលរួមជ្រោមជ្រែង និងផ្ដល់ទីតាំងសម្រាប់ការបង្រៀនពីសំណាក់ អង្គការជីវិតនៅកម្ពុជា ខេត្តសៀមរាប។​

ការចែករំលែកទាំងនេះ បានបញ្ចូលប្រធានបទចំណេះដឹងផ្នែកហិរញ្ញវត្ថុសំខាន់ៗ ដែលទាក់ទងនឹងការរស់នៅប្រចាំថ្ងៃរបស់ពួកគេ។ វគ្គចែករំលែក ត្រូវបានបញ្ចប់ប្រកបដោយផ្លែផ្កា ដោយមានការចូលរួមសំណេះសំណាលប្រកបដោយភាពស្និតស្នាលលើប្រធានបទផ្សេងៗរួមមាន៖

  • ផែនការហិរញ្ញវត្ថុផ្ទាល់ខ្លួន៖ កំណត់ផែនការហិរញ្ញវត្ថុរយៈពេលខ្លី និងរយៈពេលវែង
  • គន្លឹះសម្រាប់ការសន្សំ និងការគ្រប់គ្រងបំណុលប្រកបដោយប្រសិទ្ធិភាព
  • សេវាកម្មធនាគារ និងផលិតផល សម្រាប់តម្រូវការប្រចាំថ្ងៃ

តាមរយៈការចូលរួមក្នុងវគ្គចែករំលែក ចំណេះដឹងផ្នែកហិរញ្ញវត្ថុនេះ វាមិនត្រឹមតែអាចជួយពង្រឹងជំនាញគ្រប់គ្រងហិរញ្ញវត្ថុសម្រាប់អនាគតរបស់ពួកគាត់ប៉ុណ្ណោះទេ ប៉ុន្តែថែមទាំងជួយអោយពួកគាត់ អាចចែករំលែក ចំណេះដឹងទាំងនេះ ដល់សមាជិកគ្រួសារ និងសហគមន៍កាន់តែទូលំទូលាយផងដែរ។ តាមរយៈការធ្វើដូច្នេះ ពួកគេអាចរួមចំណែកដល់វប្បធម៌នៃការចែករំលែកចំណេះដឹង និងការទទួលខុសត្រូវផ្នែកហិរញ្ញវត្ថុ ដែលផ្តល់អត្ថប្រយោជន៍ដល់មនុស្សគ្រប់គ្នានៅជុំវិញពួកគេ។